ਉਹ ਦੇ ਵਰਗੀ ਤਾਂ ਬਹੁਤ ਦੁਆਵਾਂ ਨਾਲ ਮਿਲਦੀ ਹੈ,
ਉਹ ਜਦ ਵੀ ਮਿਲਦੀ ਹੈ ਬੜੇ ਚਾਵਾਂ ਨਾਲ ਮਿਲਦੀ ਹੈ।
ਮਤੀ ਉੱਤਮ ਸੋਚ ਉੱਚੀ ਖਿਆਲ ਬੜੇ ਹੀ ਸੋਹਣੇ ਨੇ,
ਹੱਸ ਹੱਸ ਕੇ ਸਦਾ ਖੁੱਲ੍ਹੀਆਂ ਬਾਹਵਾਂ ਨਾਲ ਮਿਲਦੀ ਹੈ।
ਗੱਲ ਕਰਦੀ ਦੇਖੋ, ਚੁਣ-ਚੁਣ ਕੇ ਸ਼ਬਦ ਲਿਆਉਂਦੀ ਹੈ,
ਉਹਦੀ ਮਿੱਠੀ ਬੋਲੀ ਧਾਰਮਿਕ ਥਾਂਵਾਂ ਨਾਲ ਮਿਲਦੀ ਹੈ।
ਜਦ ਮਿਲ ਪੈਂਦੀ ਹੈ ਠੰਡਕ ਪਾਉਂਦੀ ਤਪਦੀਆਂ ਰੂਹਾਂ ਨੂੰ,
ਸੀਰਤ ਉਹਦੀ ਤਾਂ ਠੰਡੀਆਂ ਹਵਾਵਾਂ ਨਾਲ ਮਿਲਦੀ ਹੈ।
ਧੰਨ ਭਾਗ ਸਾਡੇ, ਉਹ ਦੇ ਨਾਲ ਮਿਲਾਪ ਜੋ ਹੋਇਆ ਜੀ,
ਉਸ ਜਿਹੀ ਤਾਂ ਰੱਬ ਦੀਆਂ ਇੱਛਾਵਾਂ ਨਾਲ ਮਿਲਦੀ ਹੈ।
ਤੂੰ ਸੋਚਦੈ ਹੋਣੈ ਕਿ ਉਹ ਕਿਹ ਦੇ ਵਰਗੀ ਲੱਗਦੀ ਹੈ?
ਆਮ ਸ਼ਕਲ ਸਾਡੀ ਧੀਆਂ-ਭੈਣਾਂ ਮਾਵਾਂ ਨਾਲ ਮਿਲਦੀ ਹੈ।
ਇਕ ਇਹ ਹੀ ਗੱਲ ਅਲੱਗ ਹੈ ਉਹਦੀ ਸਭ ਗੱਲਾਂ ਤੋਂ,
ਬਸ ਐਨ.ਪੀ. ਨੂੰ ਹੀ ਨਖਰੇ-ਅਦਾਵਾਂ ਨਾਲ ਮਿਲਦੀ ਹੈ।
2 comments:
ਬਹੁਤ ਖੂਬ। ਲਿਖਦੇ ਰਹੋ।
thank u Sagar Saab
Post a Comment