ਨਿਰਾਸ਼ਾ ਹੋਵੇਗੀ ਉਸ ਵੱਡੀ ਸ਼ਖਸੀਅਤ ਨੂੰ ਜਾਣ ਕੇ,
ਸਿਰਫ ਕਲਾਤਮਕ ਪੱਖ ਦੇਖ ਉਸਦਾ ਕਿਰਦਾਰ ਨਾ ਦੇਖ।
ਜਜ਼ਬੇ ਦੀ ਵੀ ਦਾਦ ਦੇਣੀ ਸਿੱਖ ਲੈ ਦੋਸਤਾ,
ਕਿਸ ਦੀ ਹੋਈ ਜਿੱਤ ਤੇ ਕਿਸ ਦੀ ਹਾਰ ਨਾ ਦੇਖ ।
ਘੱਟ ਲਿਬਾਸ ਵਾਲੇ ਹੋ ਜਾਣ ਮਕਬੂਲ ਛੇਤੀ,
ਅੱਜਕੱਲ੍ਹ ਕਿਸੇ ਦੀ ਅਦਾਕਾਰੀ ਤੇ ਅਦਾਕਾਰ ਨਾ ਦੇਖ।
ਉਬਾਮਾ ਅਤੇ ਉਸਾਮਾ ਨਾਂ ਵਿਚ ਬਹੁਤਾ ਫਰਕ ਨਹੀਂ,
ਪਰ ਗਿੱਦੜ ਅਤੇ ਸ਼ੇਰ ਨੂੰ ਮਿੱਤਰਾ ਇਕਸਾਰ ਨਾ ਦੇਖ।
ਨਸ਼ਾ ਨਸ਼ਾ ਹੀ ਹੁੰਦੈ ਗੱਲ ਘੱਟ-ਵੱਧ ਦੀ ਨਹੀਂ,
ਸ਼ਰਾਬ ‘ਚ ਕਿੰਨੀ ਪਾਣੀ ਦੀ ਏ ਮਿਕਦਾਰ ਨਾ ਦੇਖ।
ਲੋਕਾਂ ਨੇ ਤਾਂ ਐਨ.ਪੀ. ਗੱਲਾਂ ਕਰੀ ਜਾਣੀਆਂ ਨੇ,
ਦੋਵਾਂ ਦਾ ਪਿਆਰ ਦੇਖੀਂ ਤੂੰ ਹੁੰਦੀ ਤਕਰਾਰ ਨਾ ਦੇਖ।
ਮਨਮਰਜ਼ੀ ਦੇ ਕਰ ਕਾਰੇ ਯਾਰਾਂ ਪੱਤਰਕਾਰ ਏ ਤੂੰ,
ਜੋ ਸੈਮੀਨਾਰ ‘ਚ ਰੱਖੇ ਸੀ ਮੈਂ ਉਹ ਵਿਚਾਰ ਨਾ ਦੇਖ।
ਨਰਿੰਦਰ ਪਾਲ ਸਿੰਘ ਜਗਦਿਓ
2 comments:
really good Bai Ji : Keep it up :
khooob... good one Jagdeo saheb... live it up..
Post a Comment