ਕੀ-ਕੀ ਹੰਢਾਇਆ ਕੀ-ਕੀ ਬੀਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਸਮੇਂ ਨੇ ਕੀ-ਕੀ ਸਾਡੇ ਨਾਲ ਕੀਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਜ਼ਮਾਨੇ ਨੇ ਕਿੰਨੀ ਸਾਜਿਸ਼ ਰਚੀ ਭੇਤ ਜਾਣਨ ਲਈ ਅਸਾਡੇ,
ਕਿੱਦਾਂ-ਕਿੱਦਾਂ ਅਸਾਂ ਜ਼ੁਬਾਨ ਸੀਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਦੀਦਾਰ-ਏ-ਦਾਰੂ ਜਦੋਂ-ਜਦੋਂ ਵੀ ਹੈ ਨਸੀਬ ਹੋਈ ਅੱਖਾਂ ਨੂੰ,
ਤਿਰਹਾਈ ਰੂਹ ਨੇ ਲੁਕ-ਲੁਕ ਪੀਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਮੇਰਾ ਚੈਨ ਏ ਤੂੰ ਸਕੂਨ ਏ, ਤੈਨੂੰ ਤਾਂ ਹੀ ਜਿੰਦ-ਜਾਨ ਕਿਹਾ,
ਤੇ ਜਨਾਬ ਤੁਸਾਂ ਜਾਨ ਹੀ ਲੈ ਲੀਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਮੈਂ ਖੋ ਗਿਆ ਹਾਂ ਮੇਰੇ ਵਿਚੋਂ ਹੀ, ਤੇ ਤੂੰ ਵੀ ਹੁਣ ਲੱਭਦਾ ਨਹੀਂ,
ਵੇ ਭੋਲਿਆ ਤੂੰ ਜੋ ਇਹ ਸਜ਼ਾ ਦਿੱਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਮੈਂ ਜਾਵਾਂ ਕਿਸ ਗੁਰੂਦੁਆਰੇ ਤੇ ਕਿਸ ਕੋਲ ਕਰਾਂ ਅਰਦਾਸਾਂ?
ਮੇਰੀ ਤਾਂ ਲੱਗੀ ਏ ਤੇਰੇ ਨਾਲ ਪ੍ਰੀਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਕਾਸ਼ ਤੈਨੂੰ ਪਤਾ ਹੁੰਦਾ, ਕੀ ਮਹੱਤਵ ਏ ਤੇਰਾ ਐਨ.ਪੀ ਲਈ,
ਕਾਸ਼ ਨਾ ਹੁੰਦੀ ਤੈਨੂੰ ਕੋਈ ਦੋਚਿੱਤੀ, ਕਾਸ਼ ਤੈਨੂੰ ਪਤਾ ਹੁੰਦਾ!
ਕਾਸ਼ ਤੈਨੂੰ ਸਭ ਪਤਾ ਹੁੰਦਾ !!!
No comments:
Post a Comment