ਮੇਰਾ ਉੱਠਣ ਦਾ ਸਮਾਂ ਤੇ ਤੇਰੇ ਸੌਣ ਦਾ ਸਮਾਂ,
ਇਹ ਸਮਾਂ ਸਾਡੇ ਦੋਹਾਂ ਦੇ ਵੱਖ ਹੋਣ ਦਾ ਸਮਾਂ।
ਤੇਰੇ ਦੇਸ਼ ਤੇ ਮੇਰੇ ਦੇਸ਼ ਦਾ ਹੈ ਵੱਖੋ-ਵੱਖਰਾ ਸਮਾਂ,
ਮੇਰੇ ਸੁਪਨੇ ਟੁੱਟੇ ਤੇਰਾ ਸੁਪਨੇ ਸਜਾਉਣ ਦਾ ਸਮਾਂ।
ਸਮਿਆਂ ਦੀ ਗੱਲ ਹੈ ਨਾ ਹੱਥ ਆਵੇ ਸਮਾਂ ਹੁਣ !
ਕਦੇ ਹੁਸੀਨ ਸਮਾਂ ਕਦੇ ਵਕਤ ਟਪਾਉਣ ਦਾ ਸਮਾਂ।
ਬਚਪਨ 'ਚ ਗੱਲ-ਗੱਲ 'ਤੇ ਰੁੱਸ ਜਾਂਦਾ ਹੁੰਦਾ ਸੀ,
ਹੁਣ ਖੁੱਲ੍ਹਕੇ ਨਾ ਹੱਸਣ ਤੇ ਨਾ ਹੀ ਰੋਣ ਦਾ ਸਮਾਂ!
ਆ ਜਾ ਕਰ ਲਈਏ ਬਹਿ ਕੇ ਦਿਲ ਦੀਆਂ ਗੱਲਾਂ,
ਸਮਾਂ ਲੰਘੇ ਤੋਂ ਰਹਿ ਜਾਣਾ ਪਛਤਾਉਣ ਦਾ ਸਮਾਂ!
ਦੂਰੀ ਲੱਖਾਂ ਕੋਹਾਂ ਦੀ, ਤਾਂ ਕੀ ਹੋਇਆ ਐਨ.ਪੀ?
ਕੱਢ ਲੈਣਾ ਚਾਹੀਦੈ, ਸੁੱਖ-ਦੁੱਖ ਸੁਣਾਉਣ ਦਾ ਸਮਾਂ।
No comments:
Post a Comment