ਨਾ ਗੁਰੂਦੁਆਰੇ ਮਿਲਿਆ ਨਾ ਕਿਸੇ ਮਸਜਿਦ ਮੰਦਰ,
ਮੈਂ ਬਹੁਤ ਵਾਰੀ ਮਹਿਸੂਸ ਕੀਤਾ ਤੈਨੂੰ ਖੁਦ ਦੇ ਅੰਦਰ।
ਮਿਲਿਆ ਬਨਵਾਸ, ਵੱਖ ਹੋਏ, ਇਮਤਿਹਾਨ ਵਫਾ ਦਾ,
ਇਕ ਹੋਰ ਰਮਾਇਣ ਦੀ ਤੂੰ ਸੀਤਾ ਮੈਂ ਰਾਮ ਚੰਦਰ।
ਮਾਰੂਥਲ ਬਣੀ ਰੂਹ ਨੂੰ ਹਰ ਮੌਸਮ ਹੈ ਇਕ ਬਰਾਬਰ,
ਇਹ ਔੜਾਂ 'ਚ ਵੀ ਕੱਲਰ ਤੇ ਬਾਰਿਸ਼ ਵਿਚ ਵੀ ਬੰਜ਼ਰ।
ਓ ਸੱਜਣਾਂ ਵਿਚ-ਵਿਚਾਲੇ ਵਾਲਾ ਰਾਹ ਤਾਂ ਛੱਡਣਾ ਪੈਣਾ,
ਜਾਂ ਫੁੱਲਾਂ ਵਾਂਗੂੰ ਰੱਖ ਜਾਂ ਦਿਲ 'ਤੇ ਮਾਰ ਦੇ ਖੰਜ਼ਰ।
ਤੇਰੇ ਮੇਰੇ ਵਿਚਕਾਰ ਦੂਰੀ ਹੋਗੀ ਇਕ ਜ਼ਿੰਦਗੀ ਜਿੰਨੀ,
ਕਿ ਮੇਰੀ ਉਮਰ ਬੀਤਦੀ ਜਾਂਦੀ ਨਾ ਮੁੱਕੇ ਇਹ ਸਫਰ।
ਜਦੋਂ ਮਿਲਣਾ ਹੀ ਨਹੀਂ ਰਹਿਣਾ ਆਪਾਂ ਵੱਖੋ-ਵੱਖਰੇ,
ਫਿਰ ਕੀ ਲੰਡਨ-ਕੈਨੇਡਾ ਤੇ ਕੀ ਖੰਨਾ ਜਲੰਧਰ!
ਚਲੋ ਚੰਗਾ ਹੀ ਹੈ ਮਿਲ ਗਿਆ ਸਭ ਕੁਝ ਚੰਗਾ-ਚੰਗਾ,
ਇਕੋ ਅਫਸੋਸ ਨਾਸੂਰ ਜਿਹਾ ਨਾ ਮਿਲਿਆ ਨਰਿੰਦਰ।
No comments:
Post a Comment