ਮੈਂ ਤੈਨੂੰ ਭੁੱਲ ਜਾਵਾਂਗਾ,ਵਿਸਾਰ ਦੇਵਾਂਗਾ,
ਯਾਦ ਨਹੀਂ ਕਰਾਂਗਾ।
ਜਿਵੇਂ ਤੂੰ ਮੇਰੇ ਨਾਲ ਕੀਤੀ, ਉਂਝ ਤੈਨੂੰ,
ਬਰਬਾਦ ਨਹੀਂ ਕਰਾਂਗਾ।
ਪਿੱਪਲ ਉੱਗਦੇ ਕੰਧਾਂ ਵਿਚ ਉੱਗ ਜਾਣ ਦਿਓ,
ਬੀਆਬਾਨ ਤੇ ਉੱਜੜਿਆਂ ਘਰ ਇਹ,
ਆਬਾਦ ਨਹੀਂ ਕਰਾਂਗਾ।
ਦੇਖਣੇ ਨੂੰ ਚਾਰ-ਚੁਫੇਰਾ ਕੂੜਾ ਲੱਗਦਾ ਹੈ,
ਉਹਦੀ ਖਾਤਿਰ ਕੋਈ ਵੀ ਚੀਜ਼ ਹੁਣ, ਪਰ
ਖਰਾਬ ਨਹੀਂ ਕਰਾਂਗਾ।
ਜੋਤਿਸ਼ਪੁਣਾ ਨਾ ਮੰਨਿਆ, ਨਾ ਮੰਨਾਂਗਾ,
ਤੇਰੀ ਵੀ ਕਚਹਿਰੀ ਮੈਂ ਹੁਣ ਦਾਤਿਆਂ,
ਫਰਿਆਦ ਨਹੀਂ ਕਰਾਂਗਾ।
ਜ਼ਖਮ ਦੇਣੇ ਸੀ, ਦੇ ਦਿੱਤੇ ਉਸਨੇ,
ਕੰਡੇ ਨੇ ਆਪਣਾ ਫਰਜ਼ ਨਿਭਾਇਆਂ, ਮੈਂ-
ਧੰਨਵਾਦ ਨਹੀਂ ਕਰਾਂਗਾ।
ਨਿਰਣਾ ਕਰਕੇ ਬੈਠਾ ਐਨ.ਪੀ.,
ਲੱਖ ਸੁਨੇਹੇ ਘੱਲੇ ਹੁਣ ਕੋਈ, ਮੁੜਕੇ
ਮੁਲਾਕਾਤ ਨਹੀਂ ਕਰਾਂਗਾ।
ਅੱਜ ਬੈਠਕੇ ਸੁਣ ਲਓ ਇਹ ਗੱਲਾਂ ਮੇਰੀਆਂ,
ਦੁੱਖੜੇ, ਰੋਣ-ਧੋਣ ਦਾ ਬਿਆਨ, ਇਸ ਤੋਂ
ਬਾਅਦ ਨਹੀਂ ਕਰਾਂਗਾ।
ਨਰਿੰਦਰ ਪਾਲ ਸਿੰਘ ਜਗਦਿਓ
No comments:
Post a Comment